ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІНІҢ «ҚОҒАМДЫҚ ДЕНСАУЛЫҚ САҚТАУ ҰЛТТЫҚ ОРТАЛЫҒЫ» ШАРУАШЫЛЫҚ ЖҮРГІЗУ ҚҰҚЫҒЫНДАҒЫ РЕСПУБЛИКАЛЫҚ МЕМЛЕКЕТТІК КӘСІПОРНЫНЫҢ «САНИТАРИЯЛЫҚ-ЭПИДЕМИОЛОГИЯЛЫҚ САРАПТАМА ЖӘНЕ МОНИТОРИНГ ҒЫЛЫМИ-ПРАКТИКАЛЫҚ ОРТАЛЫҒЫ» ФИЛИАЛЫ

Қазақстанда вакцинация сұрақтары, оның ішінде менингококк инфекциясының алдын алуына арналған тегін қауырыт желі:  88000-700-830 аптаның 7 күні бойына сағат 8.00 - ден 24.00 дейін жұмыс жасайды. 

Видеоматериалы

Жаңалықтар архивы

Тамыз 2018
Д С С Б Ж С Ж
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
  • Слайд 1
  • Слайд - 2

Без категории

СЭСжМҒПО-да Наурыз мейрамына арналған мерекелік салтанатты жиын өтті.

Жаңа жыл – әлемдегі қуанышқа толы ең ғажайып мерекелердің бірі. Жаңа жыл – жаңару, даму, ілгерілеу. Жаңа жыл – өткенге салауат айтып, болашақтан үміт күту.  Наурыз жер бетіндегі барлық тіршілік көзінің оянуы және жаңаруының, адам мен табиғат қарым-қатынасының үйлесімділігі мен тазалығының белгісі болып табылады

Наурыз мейрамы бейбітшілік пен келісімді, татулық пен ынтымақты бейнелейді. Бұл күні жайылатын мерекелік дастарханда адам ағзасына пайдалы  жеті дәмнен тұратын «Наурыз көженің» болуы міндетті. Наурыз көже – Ұлыстың ұлы күні жасалатын қасиетті ас. Оған тары, арпа, бидай, бұршақ, күріш сияқты жеті түрлі дән мен ақ қосылады. Түркі халықтарының ұғымында жеті саны қасиетті саналғандықтан, наурыз көжеге жеті түрлі дәм қосылады. Оған қоса, ол – тоқшылық пен ырыс құттың жоралғысы.

21 наурыз – күн мен түннің теңелу күні. Наурыз – жаңару мен тазару,  махаббат пен сұлулық мерекесі. Мерекеге орай ағаштар мен гүлдер отырғызады. Наурыз көктемнің келуін білдіреді.

Көктемгі мерекені тойлау жыл бойы үйге молшылық пен табыс әкеледі деп саналады. Бұл күні адамдар мерекелік киімдерін киіпбір-біріне қонаққа барады, келесі жылға аман-есен жетулерін тілеп, бір-бірімен көріседі.

Мереке қарсаңында Ғылыми-практикалық орталықтың қызметкерлері Наурыз мерекесін үлкен дайындықпен өткізді. Мерекелік дастарқан жайылып, қызметкерлер өз өнерлерін көрсетті. Ән айтып, би билеп көңілдерін көтерді. Қазылар алқасы мерекелік дастарқан жайып, өнерлерін көрсеткен қызметкерлерге оң бағасын берді.

ҚР ДСМ «СЭСжМҒПО» ШЖҚ-ғы РМК (бұдан әрі - «СЭСжМҒПО») сцинтиляционды гамма-спектрометр «ПРОГРЕСС-ГАММА (СИЧ)» көмегімен спектрометриялық әдіс арқылы адам ағзасындағы (137Cs)  және жекелеген мүшелеріндегі (131I, 60Co, 137Cs, 54Mn, 51Cr) гамма-сәуле шығарушы нуклидтердің белсенділігін зертхана жағдайында анықтау және өлшеу мүмкіндіктерін ұсынады.  

«СЭСжМҒПО» аталған зерттеулерді мемлекеттік тапсырыс шеңберінде, сондай-ақ келісім-шарт негізінде жүзеге асырады.

Қазақстан Республикасы Денсаулық сақтау министрлігі Қоғамдық Денсаулық сақтау комитетінің барлық Ұлттық сараптама орталығы филиалдарында республика бойынша өсімдік шаруашылығы өнімдеріндегі  нитраттардың құрамына  зертханалық зерттеулер жүргізіледі. Санитариялық-эпидемиологиялық сараптама және мониторинг ғылыми-практикалық орталығында «Нитрат» бағдарламасы жүргізіледі, мұнда өндірістік мақсаттағы өсімдік шаруашылығы өнімдеріндегі нитраттардың қалдық мөлшеріне қатысты ақпарат тоқсан сайын жинақталады. Бұл бағдарлама  өсімдік шаруашылығы өнімдеріндегі нитраттардың құрамын  жыл бойы бақылау бойынша Қазақстандағы барлық жағдайды бағалауға мүмкіндік береді.

         Сапасыз тамақ өнімдерін түрлі критерийлер бойынша пайдалану тамақтан улануға әкеліп соғады.

Қазақстан Республикасында 2017 жылы құрамында нитраттар жоғары болған көкөніс, жеміс және бақша өнімдерінің сынамаларынан жоғары деңгей, әсіресе мына өңірлерде анықталды: Ақтөбе облысы - 8,6 пайыз, Атырау облысы -7,7 пайыз, Қарағанды облысы - 5,1 пайыз, Қызылорда облысы бойынша- 3,06 пайыз. 2016 жылмен салыстырғанда, 2017 жылы нормативті талаптарға сәйкес келмейтін сынамалардың үлес салмағы:  томатта – 0,99 пайыздан 1,71 пайызға дейін, қиярда – 0,83 пайыздан 1,18 пайызға дейін, кәділерде – 1,96 пайыздан 3,5 пайызға дейін, пиязда – 1,51 пайыздан 2,67 пайызға дейін, жүзімде – 1,7 пайыздан 2,8 пайызға дейін, шабдалыда – 3,01 пайыздан 4,67 пайызға дейін, қарбызда – 34 пайыздан 16,2 пайызға дейін, қауында – 26,2 пайыздан 17,7 пайызға дейін.

         Негізінен құрамында нитраттардың мөлшері жоғары болып келетін өсімдік шаруашылығы өнімдері республикаға Өзбекстан, Ресей, Қытай елдерінен әкелінеді.

ҚР ДСМ ҚДСК «Санитариялық – эпидемиологиялық сараптама және мониторинг ғылыми-практикалық орталығы» ШЖҚ-дағы РМК базасында 26 наурыздан бастап «Радиациялық қауіпсіздікті қамтамасыз етуге жауапты персоналды арнайы даярлау» тақырыбында оқу курсы өткізіліп жатыр.

Курс тыңдаушылары – «ҚР ҰҚК Академиясы» ММ, «Осстем Имплант» ЖШС, «Private Clinic Almaty» көп салалы медициналық орталығының мамандары.

Курстың оқу бағдарламасы радиациялық гигиенаның мынадай негізгі мәселелерін қамтиды: радиациялық қауіпсіздік саласындағы нормативтік-құқықтық актілер; иондаушы сәулелену көздері (бұдан әрі – ИСК); ИСК биологиялық әсері; медицинадағы радиациялық қауіпсіздік; қоршаған ортаның радиоактивті заттармен ластануы; жеке дозиметрлік бақылау; қоршаған орта мониторингі, оны бағалау; радиациялық қауіпсіздік саласындағы  әдістер, зертханалық бақылау; дозиметрлік бақылау (радон, гамма-фон, метал сынықтары); дозиметрлік бақылау жабдықтары мен аспаптары, жүргізілген зерттеулер бойынша математикалық өңдеу және т.б.

Көк желекті көктеммен бірге  8 наурыз да көңілге қуаныш сыйлай келеді. Халықаралық әйелдер күнінің қарсаңында СЭСжМҒПО-да салтанатты жиналыс өтті, мекеменің бас директоры Еркін Дүрімбетов жиналысты аша отырып, былай деді:

 - Әйел заты – жылулық пен бақыттың символы, отбасы ошақ қасының ұйытқысы. Бұл күні әйел адамның жүзі жарқырап, көңілі марқаяды, қазіргі таңда жер шарындағы адамдарға осы жетіспей жатады. Әйел бір қолымен бесік тербетсе, екінші қолымен әлемді тербейді. Көптеген әйелдер өз ісінің шынайы маманы, өз кәсібінің  нағыз кәсіпқой шебері екендігін көрсетіп, қарамағындағыларға қамқор болып, талантты басшы болып жүр, мұны, әрине, бағалауға болмайды. Біз әйелдерге махаббаты үшін, беріктігі үшін, өмірімізге сән беретін нәзіктігі мен жарасымдылығы үшін дән ризамыз. Әдемі де көрікті, нәзік  жандарға зор денсаулық, бақ пен береке, қуаныш пен шаттық тілейміз.

Көктемгі мерекелік концерт ешкімді бей-жай қалдырмады, көңіл қошын келтіретін әндер шырқалды. Мерекелік іс-шарада мекеме басшысының Құрмет грамотасымен ӘҚЕД директоры Р.О.Сарсембаева, Пестицидтер токсикологиясы зертханасының санитаркасы С.А.Елфутина, аса қауіпті инфекциялар зертханасының санитаркасы А.М.Мустафинова; «Нұр Отан» Бостандық аудандық филиалының Алғыс хатымен эпидемиолог дәрігердің көмекшісі С.А.Алпысбаева, Метрология және стандарттау басқармасының технигі Д.Т.Ауғанбай; Салалық Кәсіподақтың Құрмет  грамотасымен ісқағаздарды жүргізу маманы Н.С.Молдабаева, АҚЕжСЭМД  инженері Н.К.Кожахметова, ПИ зертханасының фельдшер-лаборанты А.А.Жанбаева марапатталды. 

      Аяулы нәзік жанды әріптестер, сіздерге сәттілік пен жақсылық тілейміз!          

Фотоматериалы

up_podval
line

Қазақстан Республикасы, индекс 050008, Алматы қаласы, Әуезов көшесі, 84. Сатпаев қиылысы
тел: 8(727) 375 61 55,
e-mail: npc@npc-ses.kz

ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІНІҢ «ҚОҒАМДЫҚ ДЕНСАУЛЫҚ САҚТАУ ҰЛТТЫҚ ОРТАЛЫҒЫ» ШАРУАШЫЛЫҚ ЖҮРГІЗУ ҚҰҚЫҒЫНДАҒЫ РЕСПУБЛИКАЛЫҚ МЕМЛЕКЕТТІК КӘСІПОРНЫНЫҢ «САНИТАРИЯЛЫҚ-ЭПИДЕМИОЛОГИЯЛЫҚ САРАПТАМА ЖӘНЕ МОНИТОРИНГ ҒЫЛЫМИ-ПРАКТИКАЛЫҚ ОРТАЛЫҒЫ» ФИЛИАЛЫ