ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІНІҢ «ҚОҒАМДЫҚ ДЕНСАУЛЫҚ САҚТАУ ҰЛТТЫҚ ОРТАЛЫҒЫ» ШАРУАШЫЛЫҚ ЖҮРГІЗУ ҚҰҚЫҒЫНДАҒЫ РЕСПУБЛИКАЛЫҚ МЕМЛЕКЕТТІК КӘСІПОРНЫНЫҢ «САНИТАРИЯЛЫҚ-ЭПИДЕМИОЛОГИЯЛЫҚ САРАПТАМА ЖӘНЕ МОНИТОРИНГ ҒЫЛЫМИ-ПРАКТИКАЛЫҚ ОРТАЛЫҒЫ» ФИЛИАЛЫ

Қазақстанда вакцинация сұрақтары, оның ішінде менингококк инфекциясының алдын алуына арналған тегін қауырыт желі:  88000-700-830 аптаның 7 күні бойына сағат 8.00 - ден 24.00 дейін жұмыс жасайды. 

Видеоматериалы

  • Слайд 1
  • Слайд - 2

Без категории

Қазақстан Республикасы Денсаулық сақтау министрлігінің «Қоғамдық денсаулық сақтау ұлттық орталығы» шаруашылық жүргізу құқығындағы республикалық мемлекеттік кәсіпорнының «Санитариялық-эпидемиологиялық сараптама және мониторинг ғылыми-практикалық орталығы» филиалының радиологиялық зерттеу зертханасында 2018 жылғы 10-22 қыркүйек аралығында «Радиациялық қауіпсіздікті қамтамасыз етуге жауапты персоналды арнайы даярлау» тақырыбында тақырыптық оқу курсы өтіп жатыр.

Қазақстан Республикасының «Ұлттық сараптама орталығы» ШЖҚ-ғы РМК филиалдарының мамандары, сондай-ақ  жұмысы радиациялық бақылаумен байланысты ұйымдардың өкілдері курс  тыңдармандары болды.

Курстың оқу бағдарламасында мынадай негізгі радиациялық гигиена мәселелері қамтылды: радиациялық қауіпсіздік саласындағы нормативтік -құқықтық актілер; иондаушы сәулелену көздері (бұдан әрі – ИСК); ИСК биологиялық әсері; медицинадағы радиациялық қауіпсіздік; қоршаған ортаның радиоактивті заттарының ластануы; жеке дозиметрлік бақылау; қоршаған орта мониторингі, оны бағалау; радиациялық қауіпсіздік саласындағы  әдістер, зертханалық бақылау; дозиметрлік бақылау (радон, гамма-фон, метал сынықтары); дозиметрлік бақылау жабдықтары мен аспаптары, жүргізілген зерттеу бойынша математикалық өңдеу және т.б. 

radiol

Қазақстан Республикасы Ішкі Істер министрлігі Жезқазған қаласының «Мамандандырылған күзет қызметі басқармасы» мемлекеттік мекемесі  базасында 3-8 қыркүйек арасында «Радиациялық қауіпсіздікті қамтамасыз етуге жауапты персоналды арнайы даярлау» тақырыбында жылжымалы оқу курсы өткізіліді.

         Дәріс сабақтарын радиологиялық зерттеулер зертханасының дәрігер-зерханашысы Бахтияр Азнаков өткізді.

        Курстың оқу жоспары радиациялық гигиенаның мынадай негізгі мәселелерін қамтыды: радиациялық қауіпсіздік саласындағы нормативтік-құқықтық актілер; иондаушы сәулелену көздері (бұдан әрі - ИСК), ИСК-ның биологиялық әсері; қоршаған ортаны радиоактивті заттардың ластауы; радиациялық апаттар, жеке дозиметрлік бақылау; сыртқы және ішкі сәулелену, радон, радиациялық бақылау және оны бағалау; дозиметрлік бақылау (радон, гамма-фон); дозиметрлік бақылауға арналған жабдықтар мен құрылғылар және т.б.

Қазақстан Республикасы Денсаулық  сақтау министрлігі «Қоғамдық денсаулық сақтау ұлттық орталығы» ШЖҚ-ғы РМК-ның «Санитарлық-эпидемиологиялық сараптама және мониторинг ғылыми-практикалық орталығы» филиалының (бұдан әрі – СЭСжМҒПО) базасында 2018 жылдың 27 шілдесінде «Сауд Арабиясына қажылыққа баратын адамдардың, инфекциялық ауруларды алдын алу өзекті мәселелері» тақырыбындағы дөңгелек үстел өтті.

Дөңгелек үстел жұмысына туристік операторлардың өкілдері, 2018 қажылыққа баруды ұйымдастыруға жауапты тұлғалардың өкілдері, бұқаралық ақпарат құралдарының өкілдері («Хабар» ТК, «КТК», «СТВ» телеарналары, «Алматы» ТК), Казахстанская правда», «Я покупатель и собственник» баспалары, ««КазТАГ» Қазақ телеграф агенттігі) және Айдар Салықбаев, Қазақстан мұсылмандары Діни басқармасының қажылық бөлімінің басшысы қатысты.  

         СЭСжМҒПОэпидемиологтары Сауд Арабиясы Патшалығы Денсаулық сақтау министрлігінің қажылыққа немесе қажылық орындарына баратын адамдарға арналған медициналық ережелері және қойылатын талаптары туралы, менингококк инфекциясы бойынша дүние жүзіндегі және Қазақстандағы эпидемиологиялық жағдай, сондай-ақ қажылық кезінде менингококк, коронавирусты, ішек және  басқа да инфекциялардың алдын алу жөнінде  айтты.

Эпидемиологтар туристік агенттіктер және компаниялар өкілдерінің назарын қажылыққа баратын адамдардың арасында жеке гигиена ережелерін сақтау және қажылық кезінде және Сауд Арабиясынан келгенннен кейін 10 күннің ішінде денсаулық жағдайын мұқият қадағалау туралы ауқымды түсіндіру жұмысын жүргізу қажеттілігіне аударды.

Қажылықтан келгеннен кейін мынадай симптомдар: температураның көтерілуі, әлсіздік, лоқсу, құсу, сұйық нәжіс, дененің сырқырауы, жөтел және жіті инфекциялық және паразиттік аурулардың басқа да, аса қауіпті болуы мүмкін белгілер байқалғанда, уақытында дәрігергерге көріну маңыздылығына мән берілді.

Асқынулардың алдын алу үшін, әсіресе егде адамдарда асқынулардың алдын алу үшін, әр қажыға баратын адам денсаулық жағдайына байланысты қиындықтар туған кезде кімге және қайда баратынын білуі тиіс. Бұдан бөлек, қажыға баратын әр адамның өзінде денсаулық жағдайы туралы ақпараты болуы қажет, ол шұғыл шаралар қолдану және қажетті медициналық көмек көрсету үшін керек.

Айнагүл Қуатбаева, СЭСжМҒПО вакцинамен басқарылатын инфекциялар мониторингі және иммунопрофилактика басқармасының бастығы Сауд Арабиясы Патшалығының менингококк инфекциясына қарсы төрт валенттік вакцина алуды растайтын халықтарылық үлгідегі сертификатты көрсету бөлігінде қажылыққа баратын әр адамға қойылатын талаптары туралы айтты.  

Дөңгелек үстелге қатысушылар Қазақстан Республикасында менингококк инфекциясына қарсы вакцинациялау жүргізілетін екпе кабинеттерінің тізбесі туралы материалдар алды.   

Сонымен қатар, дөңгелек үстелде инфекциялық аурулардың алдын алу үшін жеке гигиена ережелерін сақтау, қолды жуу, сапалы ауыз су ішу және белгіленген жерлерде тамақ ішу, адамдар көп жиналған орындарда бетперде кию, тағам өнімдерін ұйымдастырылмаған сауда орындарынан сатып алуға тыйым салу және басқ. тигізер пайдасы жөнінде айтылды. 

arap1

arap2

arap3

"СЭСжМҒПО" филиалында ҚР Денсаулық сақтау министрлігінің құрылымындағы ұйымдарда  сыбайлас жемқорлыққа қарсы күресу шараларын кеңейтуге арналған жиналыс өтті. 
"СЭСжМҒПО" филиалы директорының м.а. Е.Дүрімбетов сыбайлас жемқорлықтың алдын алуға байланысты елімізде жүргізіліп жатқан шаралар туралы сөз сөйледі. Еркін Ермекұлы Дүрімбетов мыналар туралы айтты: -Қазақстанда сыбайлас жемқорлыққа қарсы күресу шеңберінде Қазақстан Республикасының 2015-2025 жылдарға арналған сыбайлас жемқорлыққа қарсы стратегиясы, қоғамда сыбайлас жемқорлыққа қарсы мәдениетті қалыптастыру жөніндегі кешенді Жоспары іске асрылуда. Біз жиі, тіпті күн сайын сыбайлас жемқорлық фактілері туралы естиміз. Медицина ұйымдарының басшылары және лауазымды тұлғаларының арасында бас бостандығынан айырылғандар және ірі көлемде айыппұл салынғандар бар, олардың біздің қатарымызда болғандығы көңілге қатты қаяу түсіреді.  

Мұндай жағдайлардың алдымызда кездеспеуінде халық арасында сыбайлас жемқорлыққа қарсы мәдениетті қалыптастыру үлкен рөл атқарады. Жалпы, жүргізіліп жатқан жұмыс өзінің оң нәтижелерін бере бастады, бірақ әлі де көптеген мәселелер өз шешімерін күтуде. «Қазіргі уақыт қарқынындағы жағдайда, - деп жалғастырды Еркін Дүрімбетов,- барлығымызға жұмысты жаңа форматқа көшіргеніміз жөн, ол бізге өзгерістерге барынша тез бейімделуге мүмкіндік береді. Мұндай форматқа кез келген адам да, кез келген ұйым да сәйкес болуы керек. Теріс жағдайда заңнамадағы көрсетілген жазалардан құтылу мүмкін емес. Сонымен бірге, азаматтық бақылауды да ұмытпаған жөн. Мемлекеттік қызметтердің азаматтарға сапалы түрде көрсетілуі мемлекеттік басқарудағы негізгі индикатор болып табылады.

Сыбайлас жемқорлыққа қарсы барлық шаралар қоғамда мұндай заңсыздықтарға жол берілмеуі үшін іске асырылуда».                              "СЭСжМҒПО" филиалынының заңгері Дартау Ю.А. сыбайлас жемқорлық жағдайларының пайда болу себептеріне, олардың алғышарттарына және салдарын жоюға жеке тоқталды. Заңгер баяндамашы өз сөзінде былай деді: -Әр қызметкер коррупциялық қылмыстың бүкіл ауырлығын түсінуі тиіс. Этикалық нормалар әр кәсіпорын, әр қызметкер жұмысының негізгі принциптері болуы тиіс. Біздің кәсіпорында сыбайлас жемқорлыққа қарсы күресу шаралары әзірленген. Ұжымымызда осы мәселелерді талқылау үшін тұрақты түрде бас қосамыз. Кез келген іс-шараның мақсаты – бұл коррупциялық қылмыстарға қарсылық көрсету, оған тосқауыл болу».

carupsy

 

Қазақстан Республикасы Денсаулық сақтау министрлігінің «Қоғамдық денсаулық сақтау ұлттық орталығы» ШЖҚ-ғы РМК «Санитариялық –эпидемиологиялық сараптама және мониторинг ғылыми-практикалық орталығы» филиалының (бұдан әрі - СЭСжМҒПО филиалы) базасында 2018 жылғы 26-27 маусым аралығында Дүниежүзілік Денсаулық сақтау ұйымының Еуропалық өңірлік бюросының (ЕвроВОЗ) сарапшысы Барбара Франклиннің қатысуымен және Қазақстандағы ДДСҰ кеңсесі, Қазақстан Республикасы Денсаулық сақтау министрлігінің (ҚР ДСМ), ҚР ДСМ Қоғамдық Денсаулықты қорғау Комитетінің қолдауымен «Қауіпсіз иммундау жүйесіндегі тәуекелдер қатынастары (Коммуникация)» тақырыбында ұлттық тренинг ұйымдастырылды және өткізілді.

Ұлттық тренингте 23 жаттықтырушы дайындалды, оның ішінде: СЭСжМҒПО филиалының 7 мамандары; Қоғамдық Денсаулықты қорғау Комитетінің Ақмола, Шығыс Қазақстан, Батыс Қазақстан, Қарағанды, Қостанай, Павлодар, Солтүстік Қазақстан облыстарының және Алматы қаласының өкілдері және Ақтөбе, Алматы, Атырау, Жамбыл, Маңғыстау, Оңтүстік Қазақстан облыстары және Астана қаласы бойынша денсаулық сақтау басқармаларының 16 мамандары және медицина қызметкерлері дайындалды.

Барлық деңгейдегі қатысушылар 4 практикалық жаттығуларды (кэйс сатысында) пайдалана отырып,7 модуль материалдары бойынша дайындалды , оның ішінде:

- Вакциналардың қауіпсіздігімен байланысты, Коммуникациялық байланысты талап ететін бес түрлі оқиғалар,оларды жіктеу және олардың ықпал ету дәрежесі қарастырылды;

- Вакциналар қауіпсіздігіне байланысты мәселелерге әрекет ету жағдайлары рөлдік жаттығулар ретінде қарастырылды және егжей-тегжейлі зерттелді, нәтижелері пленарлық сессияда талқыланды;

- Қызығушылығы бар мүдделі серіктестерді тарту тетіктері мен принциптерін зерделей отырып,серіктестік пен үйлесімділікті нығайту мәселелері қарастырылды, қауіпсіз Иммундау жүйесінде дағдарыстық жағдайға дейінгі тығыз ынтымақтастық, халықты ақпараттандыру мен медицина қызметкерлерінің білімін жақсарту, ақпараттар мен деректер алмасу барысында тұрақты негізде бірлесіп жұмыс істеу тетіктері жан-жақты қарастырылды;

- Платформалар қызметін үйлестіру үшін және тиімді ден қою үшін қатынастар бойынша топтық жұмыстар әзірленді.

- " БАҚ өкілдерімен жұмыс істеу дағдылары: тиімді өкіл болу жағдайлары (баспасөз өкілі қызметі) " Модулін зерттеу барысында қатысушылар негізгі хабарларды дайындау әдістерін, журналистермен жұмыс техникасын үйренді; нысаналы топтар білімін ескере отырып, қағидаттарына дайындық сөз дайындап, оны меңгерді;

-Тренинг барысында пиар-компания өкілдері Коммуникация технологиялары мен әдіс-тәсілдері туралы әңгімеледі, журналистермен қарым-қатынас ережелері жайында, әлеуметтік желілерде жаңалықтық ақпарат ұсыну принциптері айтылды. Олар қатынас және сөйлеу техникасы дағдыларын жетілдіру барысында әрбір ұлттық жаттықтырушыларымен жеке жұмыс атқарылды.

«Қауіпсіз иммундау жүйесіндегі тәуекелдер қатынасы» тренингіндегі оқытудың белсенді әдістерінің арқасында жаттықтырушыларға терең білім алуға және дағдыларын жақсартуға мүмкіндік алды.

Соның нәтижесінде, жаттықтырушылар 2018 жылдың 28 және 29 мамыр аралығында аумақтық Қоғамдық Денсаулық сақтау Департаменттері мен Денсаулық сақтау басқармаларындағы 330 мамандары мен медицина қызметкерлерін облыс орталықтары мен Алматы және Астана  қалаларында бір күндік тренингпен өте тиімді және нәтижелі қамтамасыз етуге қол жеткізді.  

Қатысушылар тренинг аяқталған соң сертификаттар алды.

Фотоматериалы

Инфографика

up_podval
line

Қазақстан Республикасы, индекс 050008, Алматы қаласы, Әуезов көшесі, 84. Сатпаев қиылысы
тел: 8(727) 375 61 55,
e-mail: npc@npc-ses.kz

ҚАЗАҚСТАН РЕСПУБЛИКАСЫ ДЕНСАУЛЫҚ САҚТАУ МИНИСТРЛІГІНІҢ «ҚОҒАМДЫҚ ДЕНСАУЛЫҚ САҚТАУ ҰЛТТЫҚ ОРТАЛЫҒЫ» ШАРУАШЫЛЫҚ ЖҮРГІЗУ ҚҰҚЫҒЫНДАҒЫ РЕСПУБЛИКАЛЫҚ МЕМЛЕКЕТТІК КӘСІПОРНЫНЫҢ «САНИТАРИЯЛЫҚ-ЭПИДЕМИОЛОГИЯЛЫҚ САРАПТАМА ЖӘНЕ МОНИТОРИНГ ҒЫЛЫМИ-ПРАКТИКАЛЫҚ ОРТАЛЫҒЫ» ФИЛИАЛЫ